Maraqlıdı ki, ərizədə “bayquşlar”ın gənc hücumçusu Xəyal Əliyevin adı yoxdu. Düzdü, futbolçu Azərbaycan və Malta yığmaları arasında keçirilən yoxlama oyununda zədələnmişdi. Futbolçu arxa bud əzələlərinin ümumi vətərinin tam qopması səbəbindən Madriddə cərrahi əməliyyat keçirmişdi. Lakin bu zədənin Xəyalın iştirak ərizəsinə salınmasına mane olacağı gözlənilmirdi.
Bəs, klub bu addımı nə ilə izah edir?
“Football-plus.az”ın sualını “Sabah”ın mətbuat xidmətinin rəhbəri Elnur Həmidov cavabladı:
“Bəli, Xəyal Əliyev zədəsi ilə bağlı bir neçə həftə komandaya kömək edə bilməyəcək. Amma məşqlərə başlayandan sonra adı iştirak ərizəsinə əlavə ediləcək”.
KƏNAN BAHADIR
