''Qalatasaray''da icarə müddəti başa çatan və ''Napoli''yə qayıdan Noa Lanqın gələcək taleyi hələ də qeyri-müəyyəndi.

Niderlandlı vinger yenə də İstanbul nəhənginin maraq dairəsindədi. Amma neapolluların 25 milyon avro tələb etməsi transferi mümkünsüz edir. Türkiyə çempionu bu qədər məbləğ ödəmək istəmir. Bu arada yeni baş məşqçi Massimiliano Alleqrinin istəyi ilə ''Napoli'' müvəqqəti olaraq Lanq üçün gələn təklifləri belə desək, dondurmağa qərar verib.

''Qazetto dello Sport''un yazdığına görə, 27 yaşlı futbolçu komanda ilə toplanışa yollanacaq. Alleqri onu iş başında gördükdən sonra qərarını verəcək. Yəni Lanqın ''Napoli''də qalmaq ehtimalı da var. Ona ''Qalatasaray''dan başqa ''Fiorentina'' da maraq göstərir.

Niderland yığmasının üzvü ötən mövsümün ikinci dövrəsində ''Cim-Bom''da 19 rəsmi oyunda meydana çıxaraq aktivinə 2 qol, 3 məhsuldar ötürmə yaza bildi.