Mikels və Simiç tarixi qələbədən sonra nə dedi? - AÇIQLAMALAR

Dünən Çempionlar Liqasının 1-ci təsnifat mərhələsində keçirilən "Sabah" - "Nyu Seynts" matçından sonra "bayquşlar"ın futbolçuları Velko Simiçlə Coy-Lens Mikels "Football-plus.az"ın suallarını cavabladı.

Sizi əvvəlcə Simiçin dedikləri ilə tanış edirik.

- Matçla bağlı təəssüratların nəcədi?
- Düşünürəm ki çox yaxşı matç keçirdik, çox yaxşı performans göstərdik. Bəlkə də, hesabı daha erkən aça bilərdik. Lakin əsas odu ki, səfər matçından öncə üstünlük qazandıq.

- Növbəti matça necə hazırlaşacaqsan?
- İndiki kimi. Biz rəqibə qarşı dominant oyun göstərmək istəyirik. Meydandakı futbolçulara qarşı pressinq nümayiş etməyi düşünmüşük. Əsas məqsədimiz daha çox qələbə qazanmaq olacaq.

- Azarkeşlərə burdan nə mesaj göndərirsən?
- Növbəti matç sizinlə birgə meydanda əlimizdən gələni etməyə çalışacağıq. Sizin dəstəyiniz bizə güc verir.

Coy-Lens Mikelsin fikirlərini də təqdim edirik.

- Matçla bağlı nə düşünürsən?
- Bu ilk oyunumuz idi. Çoxlu şansımız oldu. Lakin ilk hissədə hesabı aça bilmədik. Çətinliklər oldu. Çünki, “Nyu Seynts” matçboyu müdafiə oyunu oynadı. Buda bizim sadəcə 2 qolla kifayətlənməyimizə səbəb oldu. Növbəti matç fərqli olacaq. Rəqib mərhələ keçməyi düşünürsə, hücumda oynamağa məcbur olacaq. Bu isə bizə kritik məqamlarda önəmli şanslar verəcək. Səfərdə bu imkanlardan yararlanmağa çalışacağıq.

- Növbəti matça necə hazırlaşacaqsan?
- Hər zaman biz matçdan sonrakı gün hazırlıqlara başlayırıq. Qələbə qazanmağa köklənəcəyik.

İSRAYIL XEYRULLAYEV