“Bizim üçün fasilə heç yerinə düşmədi. Çünki yaxşı sürət yığmışdıq və oyunların daha bir neçə həftə davam etməsini istərdim. Çalışacağıq ki, mundialdan sonra qaldığımız yerdən davam edək. Yeganə qorxum DÇ-yə yollanan oyunçuların yığmalarında zədə almaq ehtimalı ilə bağlı idi. Amma əvəzində öz aramızda, məşqdə şanssızlıq yaşadıq. Təəssüf ki, Oliveyra topuğundan zədə aldı. İkardi isə daban ötürməsi verərkən əzələsini dartdı. Bir müddət bizimlə olmayacaqlar. Raşitsanın az da olsa, ağrıları davam edir. Əmrə Taşdəmir ilə Matias Ross da zədəlidi. Hazırda durum məhz belədi. Yığma üzvləri qayıdandan sonra ən yaxşı şəkildə hazırlığı davam etdirəcəyik. Bu hazırlıq dönəmində 4-5 oyun keçirməyi planlaşdırırıq. Digər futbolçuları görmək və dəyərləndirmək baxımından çox faydalı matçlar olacaq. Məncə, hücum planında üzərimizdəki təzyiqi və şanssızlığı “İstanbul BŞ” ilə oyunda qırdıq. Qarşıdan transfer dönəmi gəlir. Ehtiyac olacağı təqdirdə, təbii ki, transfer edəcəyik. Amma heyətimiz genişdi. Diqqətimizi transferə yox, əlimizin altında olan oyunçulara yönəltməliyik. Akademiyamızdan gələn gənc istedadlar var. Onları da dəyərləndirəcəyik. Az şans qazanan, özünü göstərə bilməyən futbolçulardan da faydalanacağıq. Yunus Akgünlə Kərəm Aktürkoğlunun məvacibinin artırılması ilə bağlı danışıqlar davam edir. Onlar bizim üçün çox dəyərli oyunçulardı. Bu mövsüm onlarla yanaşı, Əbdülkərim Bardakçı bizdə ən çox şans qazanan yerli oyunçulardandı. İlk həftələrdə komanda şəklində yaxşı çıxış etmirdik. Çünki yeni oyunçularımız var idi. Zəif oyuna görə yalnız Kərəmlə Yunusu günahlandırmaq düzgün deyil. Onların yanında oynayanların performansı da önəmlidi. Mənim üçün küçədə, həyətdə gördüyüm fanatların fikri sosial şəbəkələrdə olanların fikrindən daha önəmlidi. Küçədə gördüyümüz fanatlar həmişə bizi dəstəkləyir. Kimlə danışıramsa, hamısı çempionatın bərpa olunmasını səbirsizliklə gözlədiyini deyir. Bu dəstəyin qarşılığını vermək və çempion olmaq istəyirik”.