''Qalatasaray''la cəmi bir həftəlik müqaviləsi qalan və iyunun 30-dan sonra sərbəst futbolçu statusuna keçəcəyi gözlənilən Mauro İkardinin meneceri Elio Pinadan yeni açıqlama gəlib.

Bütün camiə İkardinin meneceri ilə rəhbərlik arasındakı danışıqların yekununu gözləyir. Hələlik bir irəliləyiş yoxdu. Bunu jurnalist Ərdəm Açıkgöz ilə söhbətdə menecer də təsdiqləyib:

Xatırladaq ki, İstanbul nəhəngi daha öncə illik 10 milyon avro qazanan İkardiyə bu dəfə 4,5 milyon avro maaş olmaqla ''1+1'' illik müqavilə təklif edib. İkardini təkcə maaşın 50 faizdən çox azaldılması yox, həm də tez-tez ehtiyatda qalması narazı salır. Amma rəhbərlik şərtləri yaxşılaşdırmaq niyyətində deyil.

Ünlü futbolçuya start heyətində oynayacağı ilə bağlı heç bir zəmanət verilmir. Ona görə də İkardi belə desək, vaxtı mümkün qədər uzatmaq və digər təklifləri gözdən keçirmək istəyir. Ona yeni mövsümdə Çempionlar Liqasında oynamağa haqq qazanan İtaliya təmsilçisi ''Komo'', eləcə də Portuqaliya nəhəngi ''Benfika'' ciddi maraq göstərir. Ancaq bu klublar İkardiyə ''Qalatasaray''dan daha aşağı maaş təklif edir. Artıq ''sabun operası''na çevrilən bu məsələnin nə ilə yekunlaşacağı hər kəsə maraqlıdı. İkardi konkret bir cavab demədiyi üçün ''Qalatasaray'' transferdə də istədiyi addımları ata bilmir.

Qeyd edək ki, klub tarixinin ən məhsuldar əcnəbi futbolçusu statusunda olan 33 yaşlı forvard geridə qoyduğumuz mövsümü 47 oyun 16 qol, 3 məhsuldar ötürmə göstəriciləri ilə tamamlayıb.