2026/27 mövsümünün transfer çalışmalarını davam etdirən “Qarabağ” növbəti futbolçu keçidini gerçəkləşdirib.

"Football-plus.az" xəbər verir ki, bu haqda klubun yaydığı açıqlamada bildirilib.

Xorvatiyanın “Riyeka” klubu ilə danışıqlar uğurla yekunlaşıb və qapıçı Martin Zlomisliç “Qarabağ”a transfer olunub. Bosniya və Hersoqovinalı futbolçu ilə "3+1" illik müqavilə imzalanıb. 27 yaşlı qolkiper yeni komandasında 23 nömrəli formanı geyəcək.

“Şiroki Briyeq” klubunun yetirməsi olan qapıçı 2017-ci ildə əsas komandada debüt edib. Martin Zlomisliç 2021-ci ildə “Riyeka”ya keçib.

Bosniya və Hersoqovinanın U-19 və U-21 yığmalarında çıxış etmiş qolkiper 2024-cü ildən əsas millidə forma geyinir. Millidə 3 oyuna çıxan Martin Zlomisliç hazırda ABŞ, Meksika və Kanadada keçirilən dünya çempionatında iştirak edən Bosniya və Hersoqovina millisinin heyətində yer alıb.

Martin Zlomisliç yay transfer pəncərəsində “Qarabağ”ın beşinci transferidi. Daha əvvəl Jali Mauddib, Zakaria Savo, Samuel Lobato və Bruno Lanqa “Qarabağ”a qoşulub.