''Mən ''İstanbul BŞ'' ilə çempion oldum və ''başakşəhərliləri çempion etdilər'' dedilər. Ondan sonra ''Beşiktaş'' çempion oldu və ''Beşiktaş''ı çempion etdilər'' dedilər. Sonra ''Trabzonspor'' və ''Qalatasaray'' üçün də eyni sözlər söyləndi. Yəni ''Fənərbaxça''lıların sözlərindən belə çıxır ki, heç kim öz gücü ilə çempion olmur. Halbuki çempionluğu fanatlar, rəhbərlik, məşqçilər korpusu və futbolçulardan başqa heç kim qazanmır. ''Fənərbaxça'' daim bəhanə axtarır. İkardi ilə bağlı mövqeyimizi dəfələrlə dilə gətirmişik. Təklifimizi də irəli sürmüşük. Başqanımızla onun meneceri arasında danışıqlar davam edir. İkardi oynamağı sevən, ehtiyatda qaldıqda buna üzülən coşqulu bir futbolçudu. Mən də bunu hiss edirəm. Gözləyək görək, necə olacaq. Ötən mövsümün əvvəlində Barış Alpər Yılmaz transfer üzündən bəzi psixoloji sıxıntılar yaşamışdı. Mən adətən yay hazırlıq dönəmində bazada qalıram. O ərəfədə axşamlar onunla bəzən oturub dərdləşirdik. Həmin vaxt mənimlə söhbətlərin birində ''fanatlar artıq məni qəbul etməyəcək'' dedi. Mən də ona ''fanatların səni nə qədər çox sevdiklərini bilirsən. Meydana çıxıb öz oyununla o sevgiyə yenidən layiq olacaqsan'' dedim. Sonda belə də oldu. Mourinyoya qarşı heç bir kinim yoxdu. Burnumu sıxdığı anda sadəcə refleks olaraq yerə yıxıldım. Təbii ki, həmin hərəkəti məni yerə yıxacaq qədər ağrılı deyildi. O an yenidən yaşansaydı, eyni hərəkəti etməzdim. Amma digər tərəfdən Mourinyonun mənə etdiyi hərəkəti mən ona etsəydim, ən azı 10 oyunluq cəza alardım''.