"İmişli"də kadr dəyişiklikləri olub.

"Football-plus.az" xəbər verir ki, Ruhid Usubov klubun əvəzedici komandasının baş məşqçisi vəzifəsinə təyin olunub. Ruhis Usubov "İmişli" 1-ci liqada çıxış edərkən əsas komandanın baş məşqçi kimi çalışıb.

Vüqar Əsgərli U-19 komandasını çalışdıracaq. O, müxtəlif dövrlərdə “Qarabağ”-ın U-15, U-17 və U-19 komandalarına rəhbərlik edib, eləcə də “Şamaxı”nın baş məşqçisi kimi çalışıb. Bundan başqa, Azərbaycanın U-19 qadınlardan ibarət milli komandasının baş məşqçisi olub.

Rövşən Babayev isə Gənclərin İnkişaf Proqramının rəhbəri vəzifəsinə təyin olunub. UEFA "A" kateqoriyalı məşqçi lisenziyasının sahibi olan mütəxəssis müxtəlif yaş qruplarında futbolçuların hazırlanması, akademiya idarəçiliyi və peşəkar komandaların məşqçi korpusunda çalışması ilə seçilib. O, karyerası ərzində "Sabah", "Simurq", "İnter", "Sumqayıt", "Xəzər" və digər klublarda uğurla fəaliyyət göstərib.