Tibo Kurtua mundialın sonunu gözləyir.

"Football-plus.az" xəbər verir ki, Belçika yığmasının qapıçısı dünya çempionatından sonra beynəlxalq karyerasını başa vurmağı düşünür. 34 yaşlı futbolçu bu barədə “Reuters” agentliyinə açıqlamasında nəhəng turnirdən sonra milli komandadan ayrılma ehtimalının yüksək olduğunu bildirib. 2011-ci ildən milli komandada çıxış edən Kurtua indiyədək 109 oyun keçirib.

O, hələ bir neçə il klub səviyyəsində oynamaq istəsə də, fiziki durumunu qorumaq üçün prioritetlərini yenidən dəyərləndirdiyini deyib. Tibo bəzi şərtlər altında qərarını dəyişə biləcəyini də istisna etməyib.