“Turan Tovuz”un üzləşdiyi bəxtsizlikdən sonra ölkəmizi Konfrans Liqasında təmsil etmək hüququ qazanan “Zirə” hazırlığa start verib.

Məlum olduğu kimi, “qartallar” çalışmalarını iyunun 25-dək Bakıda davam etdirəcək. Bu müddətdə bir yoxlama oyunu keçirən komanda Türkiyənin Bolu şəhərinə yollanacaq qəsəbə təmsilçisi iyulun 2-dək orda olacaq. Kollektiv bu çərçivədə iyunun 27-si və iyulun 1-də yoxlama oyunu keçiriləcək. Rəqiblər və oyunların başlama saatı hələ bəlli deyil.

Komanda hazırda yeni mövsümə tam heyətlə hazırlaşır. Daha doğrusu, klubla müqavilə müddəti davam edən bütün futbolçular düşərgədədi. Bu barədə “Football-plus.az”a “qartallar”ın mətbuat xidmətinin rəhbəri Elmar Abdullazadə məlumat verib. Onun sözlərinə görə, heyətdə zədəli oyunçu yoxdu.

Xatırladaq ki, “Zirə” Konfrans Liqasının 1-ci təsnifat mərhələsində Gürcüstan “Torpedo”suyla üz-üzə gələcək.

KƏNAN BAHADIR