Elvin Cəfərquliyev artıq iki aydı “Qarabağ”ın əsas heyətindən uzaqlaşdırılıb. Bu müddətdə gününü əsasən əvəzedici komandada keçirib, bir ara yığmanın düşərgəsində də olub. İndi isə faktiki havadadı.

“Transfermarkt.com” saytına görə Cəfərquliyevin bazar qiyməti 1,5 milyon dollardı. Bu dəyər onun orta səviyyəli Avropa klublarında çıxış etməsinə bəs edir. Elə fanatlarının da istəyi bundan ibarətdi:

Ziyadzadə: Sözün keçmədiyi yerdə sözünü dəyişmə, yerini dəyiş.

Nicat_veliev: Minnətləri olsun, yalvarsalar da, qayıtma. Sevin_musayeva: sənin haqqını itirənlərin haqqını Allah itirsin.

Yazılan rəylərin içində Elvin üçün ən uyğun yerin “Neftçi” olduğunu iddia edənlər də var:

Niko_08: “Neftçi”yə gəl, qaqa, Konfrans Liqasında sənin sayəndə finala qədər getmək olar.

F_11_s_16: Sənin yerində olsam, “Neftçi”yə keçərəm. Özü də sol cinah hücumçusu. Dayanmadan qollar vuraram ki, görsünlər ki, möhtəşəm oyunçusan. Qaret Beyl “Tottenhem”də sol cinah müdafiəçisi idi. “Real”da sağ cinah hücumçusu kimi oynadi. Sən Beyldən artiqsan bizim üçün.

Əksəriyyətin seçimi isə Elvinin “Qarabağ”a qayıtmasından yanadı:

leman._94: İnşallah, qayıdarsan. “Qarabağ”ın sənsiz marağı yoxdu”.

ibrahimov_sultan41: “Qarabağ”a qayıt, Cəfərquliyev. Azərbaycan futbolu üçün belə bir itki fiasko ilə nəticələnər.

İSRAYIL XEYRULLAYEV