“Yalnız Türkiyə - Paraqvay matçını izləmək imkanım olub. Ümumilikdə DÇ zamanı ABŞ-ni səfər etmək niyyətim var idi. Ab-havanı, şəhərləri görmək niyyəti ilə 10 gündü burdayam. Bir neçə gündən sonra geri qayıdıram. Nyu-York, Mayami, Los-Anceles və San-Fransisko şəhərlərini gəzdim, dünya çempionatının ab-havasını gördüm. Çox maraqlıdı. Xüsusən Latın Amerikası ölkələrindən gələnlər həddən artıq çoxdu. Ümumilikdə DÇ-94- xatirələri ilə mən ilk dəfə bu mundialda iştirak edirəm. Böyük ölkələr üzrə səpələnməsi, bir neçə ölkədə keçirilməsi maraq yaradır. Təşkilatçılıq yüksək səviyyədədi. Futbolu şouya çeviriblər. Fasilələrdə işıq effektləri və musiqilər təqdim olunur. Azarkeşlər stadionda əylənirlər, əvvəlki kimi yalnız futbola baxmırlar. Su fasilələrində müntəzəm musiqi səslənir. Oyundan əvvəl bütün futbolçuların meydana çıxması, hər kəsin bir-biri ilə görüşməsi maraqlıdı. Bu Amerika tərzinə uyğundu. Stadionlar geniş, iritutumludu. Avropadan fərqlənirlər. Texnologiyadan çox istifadə olunur. Əlbəttə, dünya çempionatı futbol üçün istiqamət müəyyənləşdirir. Bu mundialda gördüklərim ona əsas verir ki, növbəti 4 ildə texnologiya, əyləncə, pauzalar, reklamın verilməsi dünyaya yayılacaq. ABŞ-də bu həmişə olub - beysbol, basketbol və digər idman növlərində. Türkiyənin məğlubiyyəti ilə bağlı şərh verməyəcəm. Mən məşqçi deyiləm”.