Məlum olduğu kimi, sabah Çempionlar, Avropa və Konfrans liqalarında 2026/27 mövsümünün 1-ci təsnifat mərhələsinin püşkü atılacaq.

Daha əvvəl Nyonda keçiriləcək mərasimdə Avropa Liqasında çıxış edəcək "Qarabağ"ı Beynəlxalq Əlaqələr Departamentinin rəhbəri Fərid Ağayevin təmsil edəcəyini xəbər vermişdik. Artıq "Sabah"la "Neftçi"nin də təmsilçiləri müəyyənləşib.

Klubların mətbuat xidmətindən "Football-plus.az"a verilən məlumata görə, Çempionlar Liqasında çıxış edəcək "bayquşlar" icraçı direktor Ramin Həsənovla, Konfrans Liqasında çıxış edəcək "Neftçi" isə idman direktoru Zaur Əzizovla təmsil olunacaq.

Xatırladaq ki, "Turan Tovuz"da məsələ bir qədər fərqlidi. Klub Konfrans Liqasından kənarlaşdırıldığı üçün UEFA Tovuz təmsilçisinə tədbirə dəvət mesajı göndərməyib. İdman Arbitraj Məhkəməsinə (CAS) müraciət edən "Turan Tovuz"un istəyi təmin olunmayacağı təqdirdə turnirə qatılacaq "Zirə" isə hələ ki rəsmi qərar gözləyir, yalnız bundan sonra hansısa addım atacaq.

KƏNAN BAHADIR