İslandiyalı qadın futbolçu narazıdı
Sarra Qunnarsdottir Avropa çempionatı ərəfəsində diqqət mərkəzinə düşüb.
O, təşkilatçılıqla bağlı narazılığını dilə gətirib.
Qadın futbolçulardan ibarət milli komandalar arasında İngiltərədə keçiriləcək qitə birinciliyi iyunun 6-da start götürəcək. İslandiya yığmasının və “Lion”un yarımmüdafiəçisi komandanın Avropa çempionatındakı matçlarının “Mançester Siti”nin akademiyasına məxsus stadionda keçiriləcəyindən narazıdı. 31 yaşlı Sarra bu barədə “The Independent” qəzetinə açıqlamasında bildirib. O, milli komandanın təxminən 5000 azarkeş tutumuna malik arenada çıxış etməsinin qadın futboluna hörmətsizlik olduğunu deyib:
“Bizə ayrılan stadionlara görə məyus oldum. Bu heyrətləndiricidi. Turnirdəki oyunlarımız İngiltərədə keçiriləcək. Bu ölkədə bir neçə böyük stadion var. Amma biz təxminən 5000 tamaşaçı tuta bilən məşq meydançasında oynamalıyıq. Bu, sadəcə, utandırıcıdı. Təşkilatçılar matçlarımıza 4000-dən çox bilet satılacağına hazır deyillər. Bu, qadın futboluna hörmətsizlikdi. Qadın futbolunun inkişafı üçün irəliyə iki addım atılır, amma sonra bunlar baş verir. Nəticədə sonra geriyə addım atılır…”
Digər xəbərlər
