"Heç premyer-liqada bu qədər azarkeş stadionlara gəlmir" - "Energetik"in məşqçisi
“Oyun çox maraqlı oldu. Hər iki komanda yaxşı mübarizə aparırdı. Stadionda ab-hava əla idi. Sanki premyer-liqa matçı izləyirdik. Heç əsas çempionatda bu qədər azarkeş stadionlara gəlmir. Bu səbəbdən də bölgələrdə futbolu inkişaf etdirmək lazımdı".
Bu sözləri "Football-plus.az" saytına açıqlamasında "Energetik"in köməkçi məşqçisi Azər Haşımov deyib. Gənc mütəxəssis Region Liqasının 1/4 finalının ilk matçında komandasının "Cəbrayıl"a məğlubiyyətini şərh edib.
Azər bəy Bakıdakı görüşdə qələbə qazanacaqlarına inandığını bildirib:
"İlk hissədə komandamız öz oyununu sərgiləyə bilmədi. Fasilədən sonra hər şey düzəldi. Çoxlu qol imkanımız oldu. 1:2 uduzsaq da, növbəti matç üçün yaxşı şans əldə etmişik. Cavab oyununda, inanıram ki, mərhələni keçən tərəf biz olacağıq. Həmin görüşə çox yaxşı hazırlaşmalıyıq. Məşqlərdə kim özünü yaxşı tərəfdən göstərsə, onlar da meydanda olacaq. Çalışacağıq ki, səfərdə qələbə qazanıb, yolumuza davam edək. Bunu bacaracağımıza inanıram”.
Digər xəbərlər
