Yuri Tilemans “Aston Villa”nı tərk edəcək. Buna baxmayaraq, yeni mövsümə də İngiltərə premyer-liqasında başlayacaq.

"Football-plus.az" xəbər verir ki, “Mançester Yunayted” Belçika yığmasının oyunçusunu transfer edib. Tanınmış insayder Fabritsio Romanonun məlumatına görə, tərəflər bütün şərtlər üzrə razılığa gəliblər və Yuri yaxın vaxtlarda “Mançester Yunayted”ə qoşulacaq. Bir müddət əvvəl yayılan xəbərlərə əsasən, İngiltərə klubları bu transferi təxminən 41 milyon avroya reallaşdıracaqlar.

Tilemans “Aston Villa”da 2023-cü ildən çıxış edir. O, ötən mövsüm komandanın heyətində bütün turnirlərdə 34 oyuna çıxıb, 2 qol vurub və 7 məhsuldar ötürmə verib. Qeyd edək ki, 28 yaşlı yarımmüdafiəçi DÇ-2026-da Belçika yığması ilə turnirin 1/4 finalına qədər irəliləyib.