Azər Bağırov: "Texniki məğlubiyyəti nəzərə almasaq, bütün oyunlarda qələbə qazanan tək komandayıq" - AÇIQLAMA
“Qusar”la oyun çətin keçdi. Hava şəraiti əlverişli olmasa da, arena ideal idi. “Qusar”ın yarımfinal matçını izləmişdik. Çox döyüşkən kollektivdi. Təsadüfən burda deyillər”.
Bu sözləri “Futbol+”ə qəzetinə açıqlamasında Azər Bağırov deyib. “Araz Naxçıvan”ın baş məşqçisi Region Liqasında bürün medala sahib olmaqlarını şərh edib:
“Qarşılaşmada hər iki hissədə bərabər səviyyəli oyun izlədik. Qalib gəldiyimiz üçün çox sevincliyik. Region Liqasında mübarizəmiz başa çatdı. 14 görüşün hamısı bizim üçün çətin oldu. Bura yaxşı məktəbdi. Uşaqları seçə bilirik. Burda kimlərisə qazandıq. Texniki məğlubiyyəti nəzərə almasaq, bütün oyunlarda qələbə qazanan tək komandayıq. Hər halda, biz 1-ci divizionda çıxış edəcəyik. Keçmişə baxıb, yaxşı işlərimizi örnək göstərib, irəlidə daha möhtəşəm nələrsə etməliyik".
Azər Bağırov 1-ci divizion üçün hazırlıqlara nə zaman start verəcəkləri haqda da danışıb:
“İyunun əvvəlindən seleksiya məşqlərə start verəcəyik. Rəhbərliklə danışıqlarımız olub. Türkiyədə təlim-məşq toplanışı keçəcəyik. İnşallah, iyunun 25-dən məşqlərə start verib, 1-ci divizion üçün formalaşmağa başlayacağıq. Çalışacağıq ki, naxçıvanlı uşaqlara heyətdə daha çox şans verək. Əsas məqsədimiz bizim regiondakı futbolu inkişaf etdirək.
Bu arada çempion “Cəbrayıl”ı təbrik edirəm. Onlar finalda möhtəşəm oyun sərgilədilər. Cavid Hüseynov dostumuz, əzizimdi. Onun uğurlarına sevinirəm. Final matçı da həqiqətən olduqca gərgin alındı. Stadionda möhtəşəm atmosfer var idi. Layiq olan komanda qələbə qazandı”.
Bu arada çempion “Cəbrayıl”ı təbrik edirəm. Onlar finalda möhtəşəm oyun sərgilədilər. Cavid Hüseynov dostumuz, əzizimdi. Onun uğurlarına sevinirəm. Final matçı da həqiqətən olduqca gərgin alındı. Stadionda möhtəşəm atmosfer var idi. Layiq olan komanda qələbə qazandı”.
Digər xəbərlər
