“2-ci bundesliqadan Polşa çempionatına qayıdışını geri addım kimi qiymətləndirirəm. Ancaq düzgün qərar olub-olmadığını zaman göstərəcək. Çünki Mahirin daim oynayıb-oynamayacağından da çox şey asılıdı. Hər futbolçu istəyir ki, meydana çıxsın, göz qabağında olsun. Əks halda, futbolçunun dəyəri düşür, növbəti müqavilədə maliyyə şərtləri azı iki dəfə aşağı olur. Belədə oyunçu üçün şans qazanmaq daha əhəmiyyətlidi. Almaniyada oynaya bilmirsənsə, Polşaya getməkdən başqa çarə qalmır. Həmçinin, "Rakuv" Mahirlə 2021-ci ildə də maraqlanmışdı. Hətta bizim agentlik vasitəsilə təklif də göndərilmişdi. Sadəcə, o vaxt “Legiya” daha cəld davranmışdı. Ümumiyyətlə, Mahir Polşa çempionatı üçün uyğundu. Onun burda uğur qazanacağına inanıram. Məncə, səviyyəsi bu yarışdan bir qədər üstündü. Futbolçuya burda çox vaxt lazım olmayacaq”.

“Bəli, məncə, artıq bu proses sona çatdı. Düzdü, özünü bir-iki mövsüm yaxşı tərəfdən göstərə bilsə, şans yarana bilər. Belədə aşağı liqadan yuxarıya yüksələn bundesliqa və ya la liqa klubları onu heyətində görmək istəyər. Lakin, açığı, artıq 29 yaşı var. Mahir üçün hazırda pik dövrdü, ancaq bir qədər sonra eniş dövrü başlayacaq. Həmin vaxt “böyük beşlik”də yox, yenidən Azərbaycan çempionatında oynaya bilər”.