Mövsümlərarası fasilədə “Qarabağ”ı “Bursaspor”a dəyişən Toral Bayramov yeni komandasının heyətində növbəti görüşünü keçirib.

“Football-plus.az” xəbər verir ki, 25 yaşlı müdafiəçinin komandası yoxlama matçında “Erokspor”la qarşılaşıb. Toralın start heyətində yer aldığını, fasilədə qalan komanda yoldaşlarıyla birgə əvəzləndiyi matç “yaşıl-ağlar”ın 2:0 hesablı qələbəsi ilə başa çatıb.

Beləliklə, Bayramov “Bursapor”un heyətində ikinci dəfə şans qazanıb. Xatırladaq ki, futbolçu “Batman Petrolspor”a qarşı görüşdə də 45 dəqiqə meydanda olmuşdu.

Yeri gəlmişkən, Bursa təmsilçisi iyulun 26-da Ukrayna “Şaxtyor”u ilə qarşılaşacaq. Atatürk İdman Kompleksinin Matlı stadionunda keçiriləcək oyuna maraq böyükdü. Klub artıq biletləri satışa çıxarıb. Oyunun keçiriləcəyi idman qurğusunun tamaşaçı tutumu 43361 yerlikdi.

KƏNAN BAHADIR