Nəhayət, Paulo Dibalanın yeni mövsümə harda başlayacağı məlum olub. Argentinalı futbolçu bundan sonra da “Roma”da oynayacaq.

"Football-plus.az" xəbər verir ki, hələ dünya çempionatı ərəfəsində onun yayda vətəninə qayıdacağı, ölkəsinin köklü klublarından “Boka Xuniors”un sıralarına qoşulacağı haqda xəbərlər yayılmışdı. Lakin hücumçu “Roma” ilə müqaviləni yeniləyib. Bu barədə klubun mətbuat xidməti məlumat yayıb. 32 yaşlı argentinalı futbolçu yeni müqaviləyə əsasən, 2027-ci il iyunun 30-na qədər paytaxt təmsilçisinin formasını geyəcək.

Dibala “Roma”da 2022-ci ilin yayından çıxış edir. O, ötən müddətdə bütün turnirlərdə 140 matçda meydana çıxıb, 45 qol vurub və 30 məhsuldar ötürmə verib. Qeyd edək ki, DÇ-2022-nin qalibi İtaliyada “Palermo” və “Yuventus”un da şərəfini qoruyub.