Nəhayət, Hans-Diter Flikin yeni mövsümə harda başlayacağına aydınlıq gəlib.

"Football-plus.az" xəbər verir ki, “Barselona” rəhbərliyi baş məşqçi ilə yeni müqavilə üzrə razılıq əldə edib. Tanınmış insayder Fabritsio Romanonun məlumatına görə, yeni sözləşmənin müddəti 2028-ci ilin yayına qədər nəzərdə tutulub. Müqavilədə daha birillik - 2029-cu ilə qədər uzadılma bəndi də var.

Qeyd edək ki, tərəflər bir neçə həftə əvvəl şifahi razılığa gəlmişdilər. Artıq alman məşqçinin agenti Pini Zahavi ilə klub rəhbərliyi arasında aparılan danışıqlar uğurla yekunlaşıb.

Xatırladaq ki, Flikin hazırkı müqaviləsinin müddəti 2027-ci ilin yayına qədər nəzərdə tutulub. Rəsmi açıqlamanın bir neçə gündən sonra veriləcəyi gözlənilir.