"Transferlərdən narazılığımız yoxdu" - Azər Məmmədov

"Kəpəz" Misli premyer-liqasının 1-ci turunda "Sabah"a uduzdu - 0:2.

"Football-plus.az" xəbər verir ki, oyunsonrası mətbuat konfransında Gəncə təmsilçisinin baş məşqçisi Azər Məmmədov iştirak etdi.

- Çempionatımızın ən yaxşı komandalarından birinə qarşı oynayırdıq. İstənilən halda, hər komanda ilə qarşılaşmalıyıq. Futbolçularımıza təşəkkür etmək istəyirəm. “Sabah”ın çox güclü komanda olmasına baxmayaraq futbolçularımız çəkinmədi.

- “Kəpəz”ə qayıdışınızdan sonra komandaya yeni futbolçular qoşuldu. Ümumi potensialı necə dəyərləndirirsiz?
- Klubun büdcəsinə baxsaq, bundan pis istifadə etdiyimizi düşünmürəm. Transferlərdən narazılığımız yoxdu.

- “Kəpəz” üçün transferlərin başa çatdığını deyə bilərik?
- Düşünürük ki, daha bir-iki mövqeyə, xüsusilə hücum xəttinə futbolçu transfer edək. Bu, yerli futbolçu da ola bilər. Düzdü, hazırda yerli futbolçu tapmaq bir qədər çətindi. Ona görə digər istiqamətlərə də müraciət edəcəyik.