“Futbolun gücü dağların zirvəsində belə hiss olunur” - Valdas Dambrauskas
“Sabah”ın baş məşqçisi Valdas Dambrauskas sosial şəbəkədə paylaşımı ilə diqqət çəkib.
"Football-plus.az" xəbər verir ki, mütəxəssis Şahdağ dağlarında keçirdiyi istirahət zamanı çəkdiyi fotoları izləyiciləri ilə bölüşüb. O, təbiətin gözəlliyini və futbolun birləşdirici gücünü vurğulayıb:
“Şahdağ dağında nə qədər gözəl bir gündü! Dağ yürüşü və möhtəşəm mənzərələr... Amma bu qədər əlçatmaz bir yerdə futbol qapılarını görəcəyimi heç gözləməzdim. Demək olar ki, 2000 metr yüksəklikdədi və bura çatmaq az qala mümkünsüzdü. Futbolun nə qədər güclü və dünyanın hər yerində insanlar üçün nə qədər vacib bir oyun olduğunu bir daha hiss etdim. Bu oyuna xidmət etdiyim üçün özümü xoşbəxt hiss edirəm”.
Digər xəbərlər
