“Bəli, Türkiyədə qiymətlər qalxıb. Buna baxmayaraq, yenə də Avropaya gedib-gəliş xərci daha yüksəkdi, Türkiyə hələ də əlverişlidi. Qış idman turizmi Türkiyədə çox inkişaf etsə də, pandemiyadan sonra bir qədər azalma yaranıb. Əvvəllər də yay turizmi qış qədər əlverişli deyildi. İndi əsas məqsəd yoxlama oyunları üçün münasib rəqib tapmaqdı. Klublarımızın avrokubok oyunlarına tez başlaması və güclü rəqib tapa bilməməsi Türkiyə variantını arxa plana keçirir. Türkiyədə ya bu ölkənin 1-ci liqa klubları, ya da ora təlim-məşq toplanışına gələn klublarla oynamaq mümkündü. Azərbaycan klubları üçün Qəbələ amili də var. Qəbələdə təlim-məşq toplanışı onlara daha ucuz başa gəlir. Qəbələdə bir-biri ilə yoxlama oyunu keçirməklə boşluğu doldururlar. Əlbəttə, təlim-məşq toplanışında güclü rəqibin tapılması önəmli amildi. Görünür, Türkiyəyə yox, Avropaya üz tutmaq əsasən bununla bağlıdı”.