“Zirə” Konfrans Liqasında “Payde” səddini aşa bilmədi.

Rəqibin yeganə qolunun müəllifi Henri Anier oyundan sonra jurnalistlərin suallarını cavabladı.

- Matçla bağlı düşüncələrindən başlayaq…
- Futbolçularımız çox yaxşı mübarizə apardılar. Rəqibin daha çox qol vəziyyəti oldu. Azarkeşləri onları dəstəkləyirdilər. Mən komandama inanırdım. Ehtiyat oyunçular skamyasından meydana daxil olan iki təcrübəli futbolçumuz var idi. Əlimizdə olan fürsətdən yararlanıb, qol vurdum.

- Bu qələbəni necə dəyərləndirirsən?
- Biz kiçik ölkəni təmsil edirik. Bu nəticə klubumuz üçün böyük nailiyyətdi. Çox sevincliyəm.

- “Zirə” haqda nə deyə bilərsiz?
- Yalnız xoş sözlər. Güclü liqada çıxış edirlər. Keyfiyyətli futbolçuları var. Bu regionda oyunlar heç vaxt asan olmur.

- Bakını bəyəndiz?
- Bakı gözəl şəhərdi, insanları isə çox mehriban və qonaqpərvərdi.

- Qoldan sonra futbolçular arasında gərginlik yarandı. Buna səbəb nə oldu?
- Futboldu, meydanda belə hadisələr baş verir. Sonda hamımız dostuq və komandalar bir-birinə uğurlar arzulayırlar. Bu gün bəxtimiz gətirdi, eyni zamanda keyfiyyətimizi də göstərdik. Məşqçilərim və futbolçularımız ilə fəxr edirəm.

İSRAYIL XEYRULLAYEV