"Uzun müddət "Qarabağ"da çalışmışam. Ordakı fəaliyyətim zamanı anladım ki, bir futbolçunun, kollektivin uğur qazanmasında ən vacib amillərdən biri də düzgün təşkilatçılığın həyata keçirilməsidi. "Can Sport" şirkətini yaratmaqda məqsəd futbolçulara, klublara düzgün xidmət göstərilməsidi. Yəni gələcəkdə hansısa klubumuz başqa ölkələrdə təlim-məşq toplanışlarında, seçmə mərhələ oyunlarında iştirak edəcəksə, onların bilet pulundan tutmuş, otellərdə yerləşdirilməsinə, düzgün qidalanmasına kimi şirkətimiz tərəfindən həll olunacaq. Həmçinin ölkəmizə təşrif buyuracaq xarici klubların da hərtərəfli məskunlaşması ilə bağlı əməkdaşlıq etmək niyyətindəyik. Düşünürəm ki, bütün futbol klublarımız, ölkədə futbolun inkişafına dəstək vermək istəyən şirkətlər də bizə köməyini əsirgəməyəcək. Gələcəkdə yalnız futbol yox, başqa idman növləri üçün də xidmətlər göstərməkdə maraqlıyıq. Qısası, məqsədimiz ölkəmizdə olan və bura təşrif buyuracaq idmançıların səfərlərinə, səyahətlərinə, istirahətlərinə və bu kimi işlərinə yaxından kömək etməkdi. "Can Sport" olaraq, Azərbaycanın qonaqpərvərliyini, idmana və idmançılara qayğını dünyaya nümayiş etdirmək istəyirik".