Avropa Liqası
2-ci təsnifat mərhələsi, cavab oyunu
ÇSKA (Sofiya, Bolqarıstan) - Qarabağ (Ağdam) 0:0, p. -
21. Fyodor Lapuxov
17. Angelo Martino
(11. Məhəmməd Brahimi, 99)
32. Fakundo Rodriges
14. Teodor İvanov
2. Pastor
5. Jan-Filipp Qbamin
28. Yannis Pittas
8. Stefano Sensi
6. Bruno Jordao (k)
(99. Ceyms Eto’o, 71)
7. Maks Ebonq
9. Leandro Qodoy
(10. Joel Zvarts, 89)
Ehtiyat oyunçular
25. Dimitar Yevtimov
19. Andrey Yordanov
91. Aleks Tunçev
30. Petko Panayotov
80. Georgi Çorbajiyski
94. İsaak Solet
34. Vasil Kaymakanov
38. Leo Pereyra
77. Alexandro Pyedrahita
Baş məşqçi: Xristo Yanev

99. Mateuş Koxalski
44. Elvin Cəfərquliyev
(5. Bruno Lanqa, 82)
4. Bense Varkonyi
55. Bədavi  Hüseynov (k)
(25. Cebrail Makreskis, 82)
2. Mateus Silva
8. Marko Yankoviç
35. Pedro Bikalyo
20. Kadi Borges
(29. Renaldo Sefas, 70)
10. Abdulla Zubir
(9. Xoni Montiel, 90+2)
21. Aleksey Kaşuk
(7. Jali Muaddib, 82)
11. Zakariya Savo
(22. Musa Qurbanlı, 100)
Ehtiyat oyunçular
1. Şahruddin Məhəmmədəliyev
23. Martin Zlomisliç
13. Bəhlul Mustafazadə
32. Hikmət Cəbrayılzadə
49. Əli Bəşirov
Baş məşqçi: Qurban Qurbanov

Penalti seriyası: M.Yankoviç – 0:1. Y.Pittas – 1:1. M.Silva – 1:1 (tir). T.İvanov – 2:1. J.Muaddib – 2:2. J.-F.Qbamin – 3:2. R.Sefas – 3:3. S.Sensi – 4:3. X.Montiel – 4:4. C.Eto’o – 5:4.
Vərəqələr: B.Jordao, 39. L.Qodoy, 48. M.Yankoviç, 50. B.Varkonyi, 55. C.Eto’o, 74. A.Martino, 95. T.İvanov, 105+3. X.Montiel, 107. J.Zvarts, 112 – sari.
Hakimlər: BRAM VAN DRİSŞ, Mişel Sildrayers, İves De Neve, Kevin Van Damm (hamısı Belçika).
VAR hakimi: Bert Put (Belçika).
VAR hakiminin köməkçisi: Uesli De Kremer (Belçika).
Hakim-inspektor: Libor Kovarjik (Çexiya).
UEFA nümayəndəsi: Nikolos Jqarkava (Gürcüstan).
30 iyul. Sofiya. Vasil Levski adına Milli stadion.
Hər hissəyə 2, əlavə vaxtın birinci hissəsinə 2, ikinci hissəsinə 1 dəqiqə əlavə olunub.
İlk oyun – 0:0.

oyunun statistikası
11 (7) qapıya (“çərçivə”yə) zərbə 7 (5)
5 künc zərbəsi 2
1 ofsayd 3
11 qayda pozuntusu 13
56 topa sahibolma (faizlə) 44

İlk dəqiqələrdən təşəbbüsü ələ almağa çalışan meydan sahibləri sərtliklə kobudluğun sərhəddini müəyyənləşdirə bilmir, tez-tez futbolçularımıza qarşı kobud oynayırdılar. ÇSKA “Qarabağ”ın qapısına ilk dəfə 7-ci dəqiqədə yaxınlaşdı. Sensinin ötürməsindən sonra zərbə mövqeyinə çıxan Pittasın qarşısı alındı. Künc zərbəsindən sonra isə Qodoy dəqiq zərbə vura bilmədi. 10-cu dəqiqədə Koxalski Pittasın təhlükəli zərbəsinin qarşısını aldı. “Qarabağ” isə ilk künc zərbəsini 13-cü dəqiqədə qazandı. Amma bunu təhlükəli vəziyyətə çevirmək mümkün olmadı.

Start həyəcanını arxada qoyan ağdamlılar 15-ci dəqiqədən etibarən daha inamlı oynamağa, meydanın rəqibə aid hissəsində görünməyə başladı. Amma yenə də təhlükəli vəziyyətləri məntiqi sonluğa çatdırmaq mümkün olmurdu. 32-ci dəqiqədə Savo daha cəld tərpənsəydi, “Qarabağ” hesabı açacaqdı. Rəqibin erkən qol vurmaq planını pozan qonaqlardan indi daha cəsarətli oynamaq tələb olunurdu. 39-cu dəqiqədə Kadinin qarşısını kobudluqla alan Jordao qırmızı vərəqə ilə cəzalandı. Elə həmin Kadinin 43-cü dəqiqədəki zərbəsinin qarşısını qapıçı Lapuxov çətinliklə aldı. Uzatma dəqiqələrində “Qarabağ” daha bir təhlükəli hücum qurdu. Topu meydanın rəqibə aid hissəsində ələ keçirən Savo xeyli irəlilədi və xəsislik edib, özü qol vurmaq istədi. Halbuki Zubir daha əlverişli mövqeyə “açılmışdı”, topu, sadəcə, ona ötürmək lazım idi. Beləliklə, komandalar fasiləyə qolsuz bərabərliklə yollandı.

ÇSKA 2-ci hissəyə də fəal və aqressiv başladı. Görünür, “Qarabağ”ın ilk yarının sonlarında təşəbbüsü ələ keçirməsi rəqibi həyəcanlandırmışdı. Get-gedə bolqarların hücumları daha intensiv xarakter alırdı. Maraqlıdı ki, ilk bir saatda baş məşqçilərdən heç biri dəyişikliyə əl atmadı.
Qəribədi ki, “Qarabağ” yenə də ilk 15 dəqiqədən sonra fəallaşdı. 61-ci dəqiqədə Cəfərquliyev sol cinahdan cərimə meydançasına daxil olsa da, onun ötürməsini tamamlayan tapılmadı. 70-ci dəqiqədə “Qarabağ” növbəti künc zərbəsini qazandı və elə bu məqamda Qurban Qurbanov ilk dəyişikliyi etdi: Kadini Sefasla əvəzlədi. 72-ci dəqiqədə Savo ilə Zubirin qurduğu hücumun sonunda Kaşuk düzgün qərar vermədi. Oyun sona yaxınlaşdıqca hər iki komandanın bir qədər ehtiyatlı davrandığı hiss olunurdu. Axı kim qol vursaydı, rəqibin onun əvəzini çıxmaqda çətinlik çəkəcəkdi. Koxalski 80-ci dəqiqədə vaxtında irəli çıxıb, qola imkan vermədi.

Qurbanov 82-ci dəqiqədə meydana daha üç yeni oyunçu buraxdı. Bundan az sonra Zubir hesabı aça bilərdi. Təəssüf ki, topu qapının üstündən vurdu.
Əlavə vaxtın ilk yarısı da qarşılıqlı hücumlarla müşayiət olundu. İkinci yarı başlayan kimi Lanqa yersiz hərəkətlə cərimə zərbəsinə səbəbkar olsa da, bolqarlar bundan yararlana bilmədi. 118-ci dəqiqədə cərimə meydançasına daxil olan Sefas hesabı açmağa borclu idi, amma topu qapının üstündən vurdu.

Bakıda olduğu kimi, Sofiyada da qapılara qol vurulmadı, belədə qalibi penalti seriyasında müəyyənləşdirməkdən başqa yol qalmadı. “Zirə” ilə “Neftçi” mübarizəni dayandırmışdı deyə, “Qarabağ”ın mümkün uğursuzluğu günün acı sonluğu olardı. Təəssüf ki, ağdamlılar da penalti seriyasında uduzdu və mübarizəni Konfrans Liqasında davam etdirəcək.

ORXAN