Misli premyer-liqasının 2022/23 mövsümünün qalibi olan “Qarabağ” indidən qarşıdakı “futbol ili”nin hazırlığına başlayıb.
“Football-plus.az” xəbər verir ki, Ağdam təmsilçisinin yay təlim-məşq toplanışını keçirəcəyi məkan da bəllidi. “Köhlən atlar” Çempion Liqasına Avstriyada hazırlaşacaq. İnformasiyanı dəqiqləşdirmək üçün klubun mətbuat xidmətinin rəhbəri Gündüz Abbaszadəyə müraciət etdik:
“Bəli, belə bir ehtimal var. Bununla bağlı danışıqlar aparılır. Avstriyada fərqli variantlar var. Bilirsiz ki, “Qarabağ” hər il bu ölkədə təlim-məşq toplanışı keçirir. Çünki burda yaxşı rəqiblər tapmaq asandı. Şərait də istənilən səviyyədədi. Amma hələlik dəqiq nəsə yoxdu. Harda qalacağımız, kimlərlə oynayacağımız bəlli deyil. Hazırlıq planımız təxminən bilinir. Son danışıqlar gedir. Təlim-məşq toplanışının harda olacağı dəqiqləşdirilir”.
İLKİN SULTANLI