Yığmamız iyunun 10-da yoldaşlıq oyununda Macarıstanla üz-üzə gələcək.

"Football-plus.az" xəbər verir ki, rəqib dünən meydana çıxıb. Yoldaşlıq oyunu çərçivəsində Budapeştdəki "Puşkaş Arena"da İsveçi qəbul edən macarlar 0:2 hesablı məğlubiyyətlə üzləşib.

Macarıstan yığmasının baş məşqçisi Marko Rossi bu matçda aşağıdakı futbolçulara şans verib: Deneş Dibuş, Marton Dardai (Aron Çonqvai, 61), Villi Orban, Botond Baloq (Noik Leqo, 79), Jolt Naqi, Andras Şefer, Bense Dardai (Qabor Salai, 79), Bendequz Bolla (Kevin Çobot, 71), Roland Sallai, Dominik Soboslai (k) (Tamaş Nikitşer, 79), Daniel Qazdaq (Aleks Tot, 60).

İtaliyalı mütəxəssis komandanı meydana 3-4-2-1 sistemiylə çıxarıb. 49 və 65-ci dəqiqələrdə qollar buraxan macarların qalan göstəriciləri ortababdı.

15 (4) qapıya ("çərçivə"yə) zərbə 13 (3)
5 künc zərbəsi 8
ofsayd
8 qayda pozuntusu 16
1 (0) sarı (qırmızı) vərəqə 3 (0)
46 topa sahibolma (faizlə) 54

Maraq üçün qeyd edək ki, Rossi 2018-ci ilin iyunundna Macarıstan millisinə rəhbərlik edir. Onunla müqavilənin müddəti 2030-cu ilin yayına qədərdi.

60 yaşlı mütəxəssis komandanı indiyə qədər 75 oyuna çıxarıb. Bunların 34-də qələbə qazanan macarlar 24-də uduzublar. 17 görüşdə isə qalib müəyyənləşməyib. Bu qarşılaşmaların ümumi top fərqi isə belədi - 99:89.

Xatırladaq ki, Azərbaycan - Macarıstan matçı saat 20.00-da “Liv Bona Dea Arena”da başlayacaq.

KƏNAN BAHADIR