A qrupu
N 14. Almaniya – Macarıstan 2:0 (1:0)

1. Manuel Noyer
18. Maksimilian Mittelştadt
4. Conatan Ta
2. Antonio Rüdiger
6. Coşua Kimmix
8. Toni Kroos
23. Robert Andrix
(25. Əmrə Can, 71)
17. Florian Virts
(19. Leroy Sane, 58)
21. İlkay Gündoğan (k)
(26. Dəniz Undav, 84)
10. Camal Musiala
(11. Kris Fürix, 58)
7. Kay Haverts
(9. Niklas Füllkruq, 58)

Ehtiyat oyunçular
12. Oliver Baumann
22. Mark-Andre ter Ştegen
3. David Raum
5. Paskal Qross
13. Tomas Müller
14. Maksimilian Bayer
15. Niko Şlotterbek
16. Valdemar Anton
20. Benyamin Henrixs
24. Robin Kox
Baş məşqçi: Yulian Naqelsmann

1. Peter Qulaçi
24. Marton Dardai
6. Villi Orban
5. Attila Fiola
11. Miloş Kerkez
(18. Jolt Nad, 75)
13. Andraş Şefer
8. Adam Nad
(15. Laslo Klyaynhaysler, 64)
14. Bendequz Bolla
(9. Martin Adam, 75)
10. Dominik Soboslai (k)
19. Barnabaş Varqa
(16. Daniel Qazdaq, 87)
20. Roland Şallai
(23. Kevin Çobot, 87)

Ehtiyat oyunçular
12. Deneş Dibus
22. Peter Sappanoş
2. Adam Lanq
3. Botond Baloq
4. Attila Salai
7. Loik Neqo
17. Kallum Stayls
21. Endre Botka
25. Kristofer Horvat
26. Mihay Kata
Baş məşqçi: Marko Rossi

Qollar: C.Musiala, 22 (1:0). İ.Gündoğan, 67 (2:0).
Vərəqələr: B.Varqa, 22. A.Rüdiger, 27. M.Mittelştadt, 89. Dominik Soboslai, 90+3 - sarı.
Hakimlər: DANNİ MAKKELİ, Hessel Steeqstra, Yan de Vris (hamısı Niderland).
VAR hakimləri: Rob Diperink, Pol van Bukel (hər ikisi Niderland), Stüart Ettuell (İngiltərə).
19 iyun. Ştutqart. “MHP Arena” stadionu. 54000 tamaşaçı (60058 yerlik).
Birinci hissəyə 2, ikinci hissəyə 3 dəqiqə əlavə olunub.
Oyunun ən yaxşısı: İlkay Gündoğan.

oyunun statistikası
19 (6) qapıya (“çərçivə”yə) zərbə 10 (3)
12 qayda pozuntusu 10
11 künc zərbəsi 7
0 ofsayd 1
2 (0) sarı (qırmızı) vərəqə 2 (0)
63 topa sahibolma (faizlə) 37
719 (675) ötürmə (dəqiq) 313 (261)
112,9 məsafə (km) 109,3

Qitə çmpionatına Şotlandiyanı 5:1 hesabıyla darmadağın etməklə başlayan Almaniya yığması növbəti rəqibini də məğlub etdi. Hərçənd ev sahibləri Macarıstandan maksimum xal almaq üçün kifayət qədər tər tökməli oldular. İlk oyunda İsveçrəyə məğlub olan (1:3) macarlar bu dəfə yaxşı təsir bağışladılar. Marko Rossinin çalışdırdığı komanda matçın ilk yarısında Noyeri bir neçə dəfə oyuna qoşulmağa vadar etdi. Bəzi epizodlarda təcrübəli qapıçının dadına oyundaşları çatdılar. Amma hesabı bundestim açdı. Hissənin ortalarında Gündoğan qapıçı Qulaçiyə təhlükəni sovuşdurmaq imkanı vermədi və Musialaya məhsuldar ötürmə verdi. “Bavariya”nın 21 yaşlı hücumçusu qitə çempionatındakı ikinci matçında da qapıya yol tapdı. Amma hesabda geri düşməsi macarların oyununa heç də mənfi təsir etmədi: onlar fəal oyununu hissənin sonuna qədər davam etdirdilər.

Lakin fasilədən sonra meydandakı vəziyyət dəyişdi: Macarıstan artıq oyun planında diqtə edə bilmirdi. Görünür, Yulian Naqelsmann fasilədə futbolçulara lazımi göstərişlər vermişdi. Onun komandası ikinci hissənin əvvəlindən üstünlüyü ələ alaraq Qulaçinin qoruduğu qapıya həmlələr etdi. Güclü pressinqə əl atan Almaniya yığması rəqibi çətin vəziyyətlərə salmaqla istəyinə çatdı. 67-ci dəqiqədə Gündoğan özü qapıya yol tapdı. Kapitan Mittelştadtın cinah ötürməsini dəyərləndirməklə matçın qəhrəmanı oldu. Macarların aparıcı oyunçularından Soboslai, Şallai və Varqa oyunda heç cür dönüş yarada bilmədilər. Bunun əsas səbəbi isə almanların ikinci hissədə çox yaxşı oynaması ilə bağlı idi.

Beləliklə, bundestim qitə çempionatında A qrupunda iki qələbə ilə ilk 1/8 finalçı oldu. Maraqlıdı ki, Almaniya DÇ-1954-ün finalında sensasion şəkildə qalib gəldiyi (3:2) Macarıstan yığması ilə sonuncu duelində - 2016-cı ildə baş tutan yoldaşlıq oyununda da iki cavabsız qolla qələbə qazanmışdı.