“Ümumiyyətlə, əvvəllər çempionatın 2-ci yarısı yanvarın sonu - fevralın əvvəlində bərpa olunurdu. Ona görə də hamı Antalyaya gedirdi. İndi isə çempionat dekabrın 22-si bitdi, yanvarın 17-də başlayacaq. Məlumdu ki, oyunçulara da 10 günlük istirahət lazımdı. Mən məşqçi işləyəndə futbolçularıma həftəlik proqram verirdim. Öncə tərəzidə çəkilərini qeyd edirdik. Həmin o çəki ilə də istirahətdən qayıtmalıydılar. Onlara verilən prooqramda da bildirilirdi ki, tətildə nə etmək lazımdı. Yəni bir var istirahət futbolçusu, bir də var aktiv futbolçu. Yəni futbol da olmasa, başqa idman növlərindən istifadə etməlidilər. Əsasən hovuzu məsləhət görürdüm ki, orda məşq keçmək lazımdı. “Turan Tovuz” iki oyuna görə Antalyaya gedir. Düşünürəm ki, hazırlıq dövründə normaldı. Yanvarın 3-də yığışıb iki oyun oynamaq, həm də gedib-qayıtmaq üçün zaman var. Klubların çoxu Bakıda hazırlaşır ki, bu da başadüşləndi. Zaman az olduğundan yoldaşlıq görüşlərini bir-biri ilə keçirəcəklər. Burda əsas məqam fiziki durumu normasında saxlamaqdı. Ona görə də oyunçulara daha çox fərdi məşqlər lazımdı ”.