İkinci oyun günü Madriddə və Lilldə start götürdü.

Gözlənildiyi kimi, “Atletiko” “Slovan” üzərində inamlı qələbə qazandı. “Şturm”un isə bu mövsüm heç də pis təsir bağışlamayan “Lill”i büdrətməyə gücü çatmadı. Təcrübəli Bruno Jenezionun uğurlu əvəzetməsi komandaya qələbə qazandırdı.

“Ştutqart” əks bir dejavyu yaşadı. Şvabiyalılar ötən tur Belqradda hesabı açdıqdan sonra pərən-pərən düşərək 5 qol buraxmışdılar. Bu dəfə isə “Ştutqart” özü “Yanq Boyz”dan örkən qol buraxandan sonra 5 dəfə fərqlənərək fanatlarına mükəmməl qələbə bəxş etdi. Yeri gəlmişkən, ilk oyun günündən sonra “Leyptsiq” pley-off şansını itirmişdisə, ikinci oyun günündən sonra “Slovan” ilə “Yanq Boyz”un da ilk “24-lüy”ə düşə bilməyəcəyi dəqiqləşdi. “Srvena Zvezda” səfərdə “Milan”ı büdrətməyə yaxın olsa da, son anlarda “ağ bayraq qaldırmalı” oldu. “Arsenal” heç də zəif olmayan “Monako” ilə görüşdə Sakanın əla oyunu sayəsində qalib gəldi. 2 qol, 1 məhsuldar ötürməlik performans sərgiləyən ingiltərəli vinger ÇL-də həftənin oyunçusu seçildi.

“Mançester Siti” üçün kabud dolu günlər davam edir. Xosep Qvardiolanın komandası bu dəfə “Yuventus” “divarına” çırpıldı. “Yuve” ən güclü vaxtlarında olduğu kimi çox inamla müdafiə olunub rəqibi əks-hücumlarda məhv etdi. İlk qolda hesabına məhsuldar ötürmə yazan gənc türkiyəli vinger Kənan Yıldız performansı ilə yenə böyük alqış qazandı. ÇL-də ardıcıl 3-cü görüşdə qələbəyə həsrət qalan “Siti” son 10-cu rəsmi oyunda 7-ci (!) məğlubiyyətlə üzləşdi. Hələ ki pley-off zonasında yer alan komandanı növbəti tur qələbəyə hava-su kimi ehtiyacı olan PSJ ilə çətin səfər oyunu gözləyir.

Günün daha bir maraqlı oyunu Dortmundda keçirildi. “Borussiya”nın ilk yarıda “çərçivə”yə zərbə vura bilmədiyi qarşılaşmada bütün əsas hadisələr ikinci hissəyə təsadüf etdi. Fasilədən sonra “Barselona” “qaçmağa”, “Borussiya” “qovmağa” başladı. Meydan sahiblərinin ilk iki qola cavabı tapılsa da, qonaqların 3-cü qolu həlledici oldu. Sonradan meydana çıxan Ferran Torres gözlənilmədən dubl edərək qəhrəmana çevrildi. Bu nəticə ilə Kataloniya nəhəngi “Liverpul”un ardından pley-offa vəsiqəni təmin edən ikinci komanda oldu. Bu mövsüm rəsmi matçlarda evdə ilk dəfə uduzan “Borussiya” isə 1/8 finala birbaşa vəsiqə verən “8-liy”i tərk etdi. Digər oyunlara gəlincə, “Feyenoord” “Sparta”ya 4 qol vurmaqla evdə ilk qələbəsini qazandı. “Benfika” isə böyük üstünlüyə baxmayaraq, heç cür “Bolonya”nın müdafiəsini yara bilmədi. Beləliklə, ÇL-də təxminən 40 günlük fasiləyə yollanırıq. Əsas mərhələnin son iki turu artıq gələn il oynanılacaq.

Atletiko – Slovan 3:1 (2:0)
Atletiko (Madrid, İspaniya): Oblak, Lyorente, Ximenes, Lanqle, Qalan, De Paul, Barrios (Koke, 46), Simeone, Lino (Rikelme, 73), Qrizmann (Qallaxer, 73), Alvares (Sörlot, 73).
Slovan (Bratislava, Slovakiya): Takaç, Blekman, Vut, Kaşia, Bayriç (Vayss, 84), Medvedev (Zuberu, 72), Kuçka, Savvidis (Mustafiç, 84), Barseqyan (Marselli, 35), Mak (Metsoko, 72), Strelets.
Qollar: Alvares, 16 (1:0). Qrizmann, 42 (2:0). Strelets, 51-p. (2:1). Qrizmann, 57 (3:1).
Vərəqə: yoxdu.
Hakim: Manfredas Lukyançukas (Litva).
11 dekabr. Madrid. 59134 tamaşaçı.

Lill – Şturm 3:2 (2:1)
Lill (Fransa): Şevalye, Menye, Diakite, Ribeyro, Bakker (Haraldsson, 80), İsmaili (Qudmundsson, 68), Andre, Buaddi (Muaku, 56), Kabella (Fernandes, 68), Sahraui (Bayo, 80), David.
Şturm (Qrats, Avstriya): Xudyakov, Conston (Maliç, 87), Qayrhofer, Vütrix, Lavale, Yalkuye, Çukvuani (Yatta, 87), Qorents Stankoviç (Hirlender, 84), Kiteişvili, Biret, Bevinq (Horvat, 85).
Qollar: Sahraui, 37 (1:0). Bakker, 45+2 (2:0). Kiteişvili, 45+4 (2:1). Biret, 47 (2:2). Haraldsson, 81 (3:2).
Vərəqələr: Çukvuani, 8. Bakker, 74 – sarı.
Hakim: Georgi Kabakov (Bolqarıstan).
11 dekabr. Lill. 45796 tamaşaçı.

Milan – Srvena Zvezda 2:1 (1:0)
Milan (İtaliya): Menyan, Kalabria (Emerson, 83), Qabbia, Tiav, Ernandes, Fofana, Reynders, Musa (Kamarda, 83), Loftus-Çik (Çukvueze, 28), Leao, Morata (Abraham, 29).
Srvena Zvezda (Belqrad, Serbiya): Quteşa, Mimoviç (Kanqa, 75), Spayiç, Ciqa, Sol Yun Vu, Elsnik, Kruniç, Silas, Maksimoviç (Radonyiç, 60), Milson (İvaniç, 46), Ndiaye (Duarte, 86).
Qollar: Leao, 42 (1:0). Radonyiç, 67 (1:1). Abraham, 87 (2:1).
Vərəqələr: Musa, 32. Kruniç, 33. Ernandes, 45. Ciqa, 81 – sarı.
Hakim: Xesus Xil Mansano (İspaniya).
11 dekabr. Milan. 53717 tamaşaçı.

Arsenal – Monako 3:0 (1:0)
Arsenal (London, İngiltərə): Raya, Parti, Saliba, Kivior, Lüis-Skelli (Y.Timber, 64), Merino, Rays, (Jorjinyo, 64), Edeqor (Nvaneri, 79), Saka, Martinelli (Trossar, 64), Jezus (Haverts, 73).
Monako (Fransa): Maetski, Vanderson (Teze, 81), Kerer, Salisu, Enrike, Kamara (Matazo, 81), Maqassa (Minamino, 46), Akliuş, Qolovin, Ben Segir, Embolo (İlenixena, 81).
Qollar: Saka, 34 (1:0). Saka, 78 (2:0). Haverts, 88 (3:0).
Vərəqələr: Martinelli, 32. Merino, 60. Vanderson, 63 – sarı.
Hakim: Davide Massa (İtaliya).
11 dekabr. London. 60157 tamaşaçı.

Borussiya D – Barselona 2:3 (0:0)
Borussiya (Dortmund, Almaniya): Kobel, Ryuyersn (Kouto, 46), Əmrə Can, Şlotterbek, Bensebayni, Nmeça, Zabitser, Dyuranvill (Malen, 73), Reyna (Qross, 73), Gittens, Girassi.
Barselona (İspaniya): Penya, Kunde, Kubarsi, Martines, Balde, Kasado, Pedri (Qarsiya, 90+3), Yamal (Viktor, 90), Olmo (Lopes, 71), Rafinya (De Yonq, 71), Levandovski (Torres, 71).
Qollar: Rafinya, 53 (0:1). Girassi, 60-p. (1:1). Torres, 75 (1:2). Girassi, 78 (2:2). Torres, 85 (2:3).
Vərəqələr: Zabitser, 42. Nmeça, 51. Kouto, 57. Kubarsi, 58. Bensebayni, 61. Torres, 90+2 – sarı.
Hakim: Fransua Letesye (Fransa).
11 dekabr. Dortmund. 81365 tamaşaçı.

Yuventus – Mançester Siti 2:0 (0:0)
Yuventus (Turin, İtaliya): Di Qreqorio, Savona, Qatti, Kalulu, Danilo, Lokatelli, Türam (Makkenni, 69), Konseysao (Vea, 69), Koopmayners, Kənan Yıldız (Mbanqula, 85), Vlahoviç (Duqlas Luis, 85).
Mançester Siti (İngiltərə): Ederson, Uoker, Diaş, Qvardiol, Lüis, B.Silva, Gündoğan, Dokyu (Savinyo, 78), De Bruyne, Qriliş (Nunyeş, 87), Holann.
Qollar: Vlahoviç, 53 (1:0). Makkenni, 75 (2:0).
Vərəqələr: Qriliş, 84. Di Qreqorio, 85. B.Silva, 86 – sarı.
Hakim: Kleman Türpen (Fransa).
11 dekabr. Turin. 40890 tamaşaçı.

Feyenoord – Sparta 4:2 (3:1)
Feyenoord: (Rotterdam, Niderland): Vellenroyter, Niuvkoop (Bueno, 75), Trauner, Hantsko, Smal (Beelen, 58), Hvan İn Bom (Zerruki, 75), Milambo, K.Timber, Hac-Mussa (Strenqs, 75), Payşao, Ximenes (Osman, 68).
Sparta (Praqa, Çexiya): Vindal, Visner, Vitik, Sorensen, Kobbo (Panak, 68), Rıneş (Zeleni, 83), Sadilek, Kairinen, Solbakken (Laçi, 68), Rrahmani (Olatunyi, 77), Birmançeviç (Krasniqi, 77).
Qollar: Trauner, 8 (1:0). Payşao, 10 (2:0). Hac-Mussa, 30 (3:0). Rrahmani, 43 (3:1). Ximenes, 63 (4:1). Beelen, 79-öz qapısına (4:2).
Vərəqələr: Vindal, 10. Sorensen, 37. Ximenes, 51. Vitik, 53. Zeleni, 90 – sarı.
Hakim: Tobias Ştiler (Almaniya).
11 dekabr. Rotterdam. 45000 tamaşaçı.

Ştutqart – Yanq Boyz 5:1 (1:1)
Ştutqart (Almaniya): Nübel, Vaqnoman (Ştensel, 77), Ruo (Sterjiu, 81), Şabo, Mittelştadt (Əl-Daxil, 77), Ştiller, Karazor (Kaytel, 46), Rider, Miyo, Fürix (Malanqa, 77), Demiroviç.
Yanq Boyz (Bern, İsveçrə): Ballmoos, Atekame, Kamara (Pfayffer, 70), Benito, Acam (Blum, 70), Uqriniç, Lakomi, Vircinius (Kolli, 76), İmeri (Maleş, 62), Monteyro, İtten (Qanvula, 62).
Qollar: Lakomi, 6 (0:1). Ştiller, 25 (1:1). Miyo, 53 (2:1). Fürix, 61 (3:1). Vaqnoman, 66 (4:1). Kaytel, 75 (5:1).
Vərəqələr: Benito, 58. Acam, 60. Rider, 86. Uqriniç, 88. Lakomi, 90 – sarı.
Hakim: Giorgi Kruaşvili (Gürcüstan).
11 dekabr. Ştutqart. 60000 tamaşaçı.

Benfika – Bolonya 0:0
Benfika (Lissabon, Portuqaliya): Trubin, Bah, Arauxo, Otamendi, Fernandes, Orkun Kökçü (Kabral, 80), Eursnes, Luiş, Di Mariya, Kərəm Aktürkoğlu (Beste, 72), Pavlidis (Amduni, 72).
Bolonya (İtaliya): Skorupski, Poş (Koratsa, 88), Beukema, Kasale (Lukumi, 73), Holm, Ferqyuson, Moro (Froyler, 73), Urbanski (Ndoye, 73), Fabbian (Pobeqa, 73), İlinq-Junior, Dallinqa.
Vərəqələr: Pavlidis, 24. Luiş, 48. Fabbian, 53. Bah, 59. Kasale, 62. O.Kökçü, 63. Ferqyuson, 71. Otamendi, 76. Froyler, 89. Beukema, 90+5 – sarı.
Hakim: Radu Petresku (Rumıniya).
11 dekabr. Lissabon. 60650 tamaşaçı.

1. Liverpul 6 6 0 0 13-1 18
2. Barselona 6 5 0 1 21-7 15
3. Arsenal 6 4 1 1 11-2 13
4. Bayer-04 6 4 1 1 12-5 13
5. Aston Villa 6 4 1 1 9-3 13
6. İnter 6 4 1 1 7-1 13
7. Brest 6 4 1 1 10-6 13
8. Lill 6 4 1 1 10-7 13
9. Borussiya D 6 4 0 2 18-9 12
10. Bavariya 6 4 0 2 17-8 12
11. Atletiko 6 4 0 2 14-10 12
12. Milan 6 4 0 2 12-9 12
13. Atalanta 6 3 2 1 13-4 11
14. Yuventus 6 3 2 1 9-5 11
15. Benfika 6 3 1 2 10-7 10
16. Monako 6 3 1 2 12-10 10
17. Sportinq 6 3 1 2 11-9 10
18. Feyenoord 6 3 1 2 14-15 10
19. Brügge 6 3 1 2 6-8 10
20. Real 6 3 0 3 12-11 9
21. Seltik 6 2 3 1 10-10 9
22. Mançester Siti 6 2 2 2 13-9 8
23. PSV 6 2 2 2 10-8 8
24. Dinamo Z 6 2 2 2 10-15 8
25. PSJ 6 2 1 3 6-6 7
26. Ştutqart 6 2 1 3 9-12 6
27. Şaxtyor 6 1 1 4 5-13 4
28. Sparta 6 1 1 4 7-18 4
29. Şturm 6 1 0 5 4-9 3
30. Jirona 6 1 0 5 4-10 3
31. Srvena Zvezda 6 1 0 5 10-19 3
32. Zaltsburq 6 1 0 5 3-18 3
33. Bolonya 6 0 2 4 1-7 2
34. Leyptsiq 6 0 0 6 6-13 0
35. Slovan 6 0 0 6 5-21 0
36. Yanq Boyz 6 0 0 6 3-22 0

Bombardirlər: Levandovski (Barselona) – 7, Girassi (Borussiya D), Rafinya (Barselona) – 6, Vinisius (Real), Virts (Bayer-04), Keyn (Bavariya), Dyokereş (Sportinq), Holann (Mançester Siti) – 5.
Növbəti turun oyunları gələn il yanvarın 21-22-də keçiriləcək: Monako – Aston Villa, Atalanta – Şturm, Benfika – Barselona, Atletiko – Bayer-04, Liverpul – Lill, Bolonya – Borussiya D, Brügge – Yuventus, Slovan – Ştutqart, Srvena Zvezda – PSV, Leyptsiq – Sportinq, Şaxtyor – Brest, PSJ – Mançester Siti, Milan – Jirona, Feyenoord – Bavariya, Real – Zaltsburq, Sparta – İnter, Arsenal – Dinamo Z, Seltik – Yanq Boyz.

Faktlar
* “Arsenal” öz meydanında ardıcıl 14-cü rəsmi oyunda məğlub olmadı (12 qələbə, 2 heç-heçə). Komandanın sonuncu dəfə bundan daha yaxşı (18) seriyası 2017-nin mart-noyabr aralığında Arsen Vengerin başçılığı altında olub.
* Lüis-Skelli 18 yaş 76 günlüyündə forma geyməklə “Arsenal”ın heyətində son 13 ildə ÇL-də start heyətində meydana çıxan ən gənc futbolçu oldu. Oksleyd-Çemberleyn 2011-də “Olimpiakos”la qarşılaşmada 18 yaş 44 günlüyündə start heyətində meydana çıxmışdı.
* Bernardo Silva 74-cü oyununa çıxmaqla “Mançester Siti” tarixində ÇL-də ən çox oyun keçirən futbolçuya çevrildi.
* Noyabrdan bu yana “Mançester Siti” bütün turnirləri nəzərə almaqla “böyük beşlik”də ən çox (21) qol buraxan komandadı!
* “Ştutqart”lı Fabian Rider ÇL-də bir oyunda 3 məhsuldar ötürmə verən ilk isveçrəli futbolçu oldu. Maraqlıdı ki, o bunu məhz İsveçrə klubu ilə oyunda etdi.
* “Ştutqart” avrokuboklarda evdə 8 oyunluq qələbəsiz seriyaya son qoydu (4 heç-heçə, 4 məğlubiyyət). Bu seriya 2010-cu ildən davam edirdi.
* Girassi “Borussiya”nın tarixində ilk 6 ÇL matçında 8 qolun vurulmasında yaxından iştirak edən ilk futbolçudu (6 qol, 2 məhsuldar ötürmə).
* “Borussiya” “Barselona”ya qarşı keçirdiyi 5-ci oyunda da qələbəyə həsrət qaldı (2 heç-heçə, 3 məğlubiyyət).
* Ferran Torres “Barselona”nın heyətində ÇL matçında sonradan meydana çıxaraq dubl edən 4-cü futbolçu oldu. Daha öncə bunu 2008-də “Şaxtyor”la oyunda Lionel Messi, 2012-də “Bayer-04” ilə oyunda Kristian Telyo və 2015-də BATE ilə oyunda İvan Rakitiç bacarmışdı.
* “Barselona” 2011/12-dən bəri ilk dəfə ÇL-də ardıcıl 5 oyunun hər birində ən azı 3 qol vuraraq qalib gəlib.
* Qrizmann ÇL-də Simeonenin başçılığı altında 79 oyunda 36 dəfə fərqlənib. Bu turnirdə bir məşqçinin başçılığı altında ən çox qol vuran oyunçuların siyahısında o yalnız Messi (Qvardiola, 43) və Salahdan (Klopp, 41) geri qalır.
* “Feyenoord” 1974-dən bu yana ilk dəfə ÇL/ÇK matçının ilk yarısında 3 qol vurdu.

Oyundan sonra
Tyaqo Motta, “Yuventus”un baş məşqçisi: