''Yanq Boyz''da gözlənilən ayrılıq reallaşdı.

Bern təmsilçisi baş məşqçi Patrik Ramenlə yollarını ayırdı.

Klubdan verilən açıqlamada qeyd olunub ki, müvəqqəti olaraq baş məşqçi vəzifəsini ''Yanq Boyz''un U-21 komandasını çalışdıran Yoel Manyin icra edəcək. Komanda mövsümə olduqca uğursuz start verib.

Son çempion statusunda olan ''Yanq Boyz'' İsveçrə çempionatında 9 tura topladığı 6 xalla sonuncu - 12-ci pillədə qərarlaşıb. Ona görə də 55 yaşlı Ramenin qovulması sürpriz olmadı. Amma ''Yanq Boyz'' Çempionlar Liqasının pley-offunda hər iki oyunda ''Qalatasaray''ı yenməklə diqqət çəkmişdi. Bu turnirin əsas mərhələsində isə komandanın işləri yaxşı getmir. Bernlilər ilk turda ''Aston Villa''ya 0:3, ikinci turda ''Barselona''ya 0:5 hesabı ilə boyun əyiblər. ''Yanq Boyz'' bu mövsüm 15 qarşılaşmadan 5 qələbə, 3 heç-heçə, 7 məğlubiyyətlə ayrılıb. Bu 5 qələbədən 2-si ''Qalatasaray''la oyunlarda, daha 2-si ölkə kubokunda əldə olunub.

ƏLİ