Çempionlar Liqasında əsas mərhələnin 6-cı turunun oyunlarından sonra daha iki komandanın turnirlə vidalaşacağı dəqiqləşib.

Qeyd edək ki, çərşənbə axşamı “Leyptsiq”in yarışı tərk edəcəyi məlum olmuşdu. Çərşənbə günü “Yanq Boyz” (İsveçrə) və “Slovan” (Slovakiya) növbəti iki oyunun nəticəsindən asılı olmayaraq növbəti mərhələyə yüksəlmək şanslarını itirib.

“Yanq Boyz” Almaniyada “Ştutqart”a 1:5, “Slovan” isə İspaniyada “Atletiko”ya 1:3 hesabı ilə məğlub olub. Nəticədə bu komandaların pley-offda oynamaq şansı verən 9-24-cü yerlərdən birini tutmaq imkanı qalmayıb.