“Maliyyə məsələsinə görə Bakıya gedə bilmədik. Bununla bağlı çox cəhd etsək də, bir nəticəsi olmadı. Bu gedişlə məsələ həll olunası deyil. Futbolun İnkişaf Fondu ilə daimi əlaqədəyik. Təəssüf ki, onların da əlindən bir şey gəlmir. Hətta ola bilər ki, ev oyununa da çıxmayaq. Maliyyə orda da sərf olunur. Futbolçulara da cüzi məvacib verilir. Bəzi futbolçular Region Liqasına getməyi düşünür. Peşəkar Futbol Liqasının əsasnaməsinə görə, 2 oyunda klub meydançaya çıxmazsa, fəaliyyəti dayandırılır. 3 ildi əziyyət çəkirik və şəxsi maliyyəmizi sərf etmişik. Çıxılmaz vəziyyətdə qalmışıq. Əvvəllər azarkeşlərə müraciət etmişik. Amma heç bir dəstək olmadı”.