Region Liqasında çıxış edəcək bu kluba İcra Hakimiyyəti və iş adamı dəstək olacaq
Oktyabrın 18-də Region Liqasında yeni mövsümün püşkü atıldı. Bu dəfə yarışda 42 komanda mübarizə aparacaq.
Football-plus.az xəbər verir ki, hələ püşkatmadan öncə yeni yaranan "Lerik"in rəsmiləri ilə əlaqə saxlayıb klub haqda informasiya əldə etməyə çalışsaq da, istəyimiz baş tutmamışdı. Dünən isə cənubluların mətbuat katibi Tural Kərimovla danışa bildik:
"Lerikdə gənclərin təşəbbüsü nəticəsində futbol klubu yarandı. Famil Məmmədov İdarə Heyətinin sədri seçilib. Maliyyə məsələsinə gəlincə, əvvəlcə ilk dəstəyi Lerik rayon İcra Hakimiyyəti verdi. Sonra sahibkarlardan Arzuman Rüstəmovun adını qeyd edə bilərəm. Sponsorumuz yoxdu. Düzdü, mediada yayılmışdı ki, bir neçə iş adamı kluba kömək göstərir, amma bu xəbərlər həqiqəti əks etdirmir. Hazırda sponsorlara, maliyyə mənbələrinə açığıq, cavab gözləyirik. İnşallah, bu istiqamətdə müəyyən irəliləyiş olar. Məqsədlərimizə gəlincə, istəyirik ki, Lerikdə futbol dirçəlsin, bu idman növünə marağı olan gənclər üçün yeni cığır açılsın. İndidən deyə bilmərəm ki, birinci diviziona qatılmaq üçün mübarizə aparırıq. Sadəcə, Region Liqasında yaxşı mübarizə aparmaq istəyirik. Nəticələrdən asılı olaraq plan qurub işimizi görəcəyik".
ŞAİR ABDULLA
Digər xəbərlər
