“Qarabağ” 28500 avroya görə hansı tədbiri görəcək?
Bilindiyi kimi, UEFA “Qarabağ”ı 28500 avro cərimələyib.
Ağdam təmsilçisi Bolqarıstanda “Ludoqorets”ə 7:2 hesabı ilə qalib gəldiyi 3-cü təsnifat mərhələsinin cavab matçında “düzgün olmayan davranış”a görə 6000 avro ödəyəcək. Bakıda Zaqreb “Dinamo”su ilə oyun (0:2) isə ağdamlılara baha başa gəlib. Belə ki, “köhlən atlar” “idman tədbirinə uyğun olmayan mesajın ötürülməsi”nə görə 22500 avro cərimələnib.
Görəsən, “Qarabağ” bu qərarla bağlı hansı addım atmağı düşünür? Bu sualla klubun mətbuat xidmətinin rəhbəri Anar Hacıyevə müraciət etdik. Onun “Football-plus.az”a açıqlaması belə oldu:
“Bu qərarla bağlı apellyasiya şikayəti gündəmdə yoxdu. Yəni cərimənin də səbəbi oyunda səsləndirilmiş şüarlardı. Bildiyiniz kimi, azarkeş qruplarımızla münasibətlərimiz çox yaxşıdı. Onlarla müntəzən təmasdayıq. Ev oyunlarımızdan öncə azarkeş qruplarımızla görüş və ya görüşlər nəzərdə tutulub”.
RÖYANƏ OĞUZ
Digər xəbərlər
