Julio Romao “Qarabağ”dan “Dinamo”ya keçir? – klub rəsmisi açıqladı
Son günlərin ən səs-küylü transfer xəbəri “”Qarabağ”la bağlıdı.
Xorvatiya mətbuatının iddiasına görə, “köhlən atlar”ın ÇL-in pley-offundakı rəqibi “Dinamo” Julio Romaonu heyətinə cəlb etmək istəyir. Guya Ağdam təmsilçisinə 2,5 milyon avro təklif edən zaqreblilər qarşı tərəfin 5 milyon avro tələbiylə qarşılayıb. Bəs bu məlumat nə dərəcədə doğrudu? Həqiqətən xorvatlar bu məqsədlə “Qarabağ”a müraciət edibmi?
Bu suallarla klubun mətbuat xidmətinin rəhbəri Anar Hacıyevə müraciət etdik. Onun “Football-plus.az”a dedikləri:
“Hazırda bütün fikrimiz “Dinamo” ilə cavab oyununa yönəlib. Komandamızda ayrılıq baş versə, bu haqda ictimaiyyətə məlumat verəcəyik”.
KƏNAN BAHADIR
