"Qarabağ" Çempionlar Liqasının pley-offunun ilk oyununda Zaqreb "Dinamo"sunun qonağı olacaq.

Adətən avrokuboklarda rəqib olan komandalar bir-birinin oyunlarını tribunadan izləmək məqsədilə "casus" rolunda səfərə çıxır və yerində məlumat toplayır.

Xatırlayırsızsa, "köhlən atlar"ın baş məşqçisi Qurban Qurbanov "Ludoqorets"in Bolqarıstandakı matçını şəxsən izləmişdi.

Bilindiyi kimi, "Dinamo" dünən Xorvatiya çempionatının 3-cü turunda "Şibenik"i darmadağın edib - 3:0. Görəsən, Ağdam təmsilçisinin "casus"u matçı tribunadan izləyibmi?

Bu sualla "Qarabağ"ın mətbuat xidmətinin rəhbəri Anar Hacıyevə müraciət etdik. O, "football-plus.az"a açıqlamasında matçda hansısa nümayəndənin iştirak etmədiyini dedi.

Qeyd edək ki, ilk oyun avqustun 20-də, ikincisi 28-də olacaq.

KƏNAN BAHADIR