“Yakiroviçin çox yaxşı bələd olduğumuz iki sistemi var: 3-5-2 və 4-3-3. Böyük ehtimalla Bakıda 4-3-3 və ya 4-2-3-1 düzülüşündən istifadə edəcək. “Qarabağ”la ilk oyunda start heyətinə layiq olmayan futbolçu Marko Pyatsa idi. Mütəxəssis onu 63-cü dəqiqədə əvəzlədi. “Qoritsa” ilə oyunda da ilk “11-lik”də meydana çıxan futbolçu bu dəfə fasilədə meydandan çıxarıldı. “Mavilər”in start heyətində həmişə yeri olan oyunçu Bakıda bundan məhrum ola bilər. Ona görə ki, Pyatsa artıq özünə oxşamır. Onun əvəzinə ilk dəqiqələrdən Yan Kordobanı meydanda görə bilərik. Çünki o çox təhlükəli və sürətlidi. Qalan oyunçularla bağlı durum isə konkretdi. Bakıda əldə oluna biləcək uğurun açarı da budu. Plan sadədi. İlk dəqiqələrdə təzyiqə tab gətirin, müdafiədə sabit olun, azarkeşlərin təzyiqindən başınızı itirməyin! Növbəti qolları vurmaq üçün fürsətlər mütləq olacaq”.