“Kəpəz” heyətini daha bir futbolçu ilə gücləndirib.

"Football-plus.az" xəbər verir ki, bu barədə klubun mətbuat xidməti məlumat yayıb.

Gəncə təmsilçisi Namiq Ələsgərovu heyətinə qatıb. 31 yaşlı yarımmüdafiəçi mövsümün sonuna kimi “sarı-göylər”in formasını geyəcək.

Namiq Ələsgərov son mövsümdə “Zirə”nin heyətində çıxış edib. 2015/16 mövsümünün ikinci yarısında “Kəpəz”in formasını geyən futbolçu 15 oyunda 3 qola imza atıb. Futbolçu millimizin də formasını geyib.

"Kəpəz" bu yay Rojerio Santos, Vadim Abdullayev, Azuma Abubakar, Urfan Abbasov, Kennet Kalunqa və Viktor Stinanı da heyətinə cəlb edib.