Zaqreb "Dinamo"su sabah ÇL-in pley-offunun cavab matçında "Qarabağ"ın qonağı olacaq.

"Football-plus.az" xəbər verir ki, "mavilər"in futbolçusu Sami Mae oyundan əvvəl keçirilən mətbuat konfransında jurnalistlərin suallarını cavablayıb.

- Rəqib öz meydanında çıxış edəcək. Buna görə matçın çətin olacağını düşünürük. Növbəti mərhələyə adlamaq üçün sona qədər mübarizə aparacağıq.

- Ötən mövsüm "Dinamo" "Sparta Praqa" və PAOK-a qarşı cavab matçlarında darmadağın oldu. Həmin mənzərəni sabah da yaşayacağınızı düşünürsüzmü?
- Rəqibə qarşı layiqli mübarizə aparacağıq. Çalışacağıq ki, eyni uğursuzluq yaşanmasın. Oyuna çox yaxşı hazırlaşmışıq.

- Daha əvvəl Bakıda "Qarabağ"a qarşı oynamısız. Həmin matçı və azarkeşlərin dəstəyini necə xatırlayırsız?
- Bəli, daha əvvəl Bakıda olmuşam. Çətin matç keçirmişdik. Güclü azarkeş dəstəyi var idi. Həmin təzyiq bizi sabah da gözləyir.

KƏNAN BAHADIR