''Trabzonspor''da Pol Onuaçu fırtınası əsməkdə davam edir.

"Football-plus.az" xəbər verir ki, 2 metr boya malik olan nigeriyalı forvard əla məhsuldarlıq nümayiş etdirir. Ötən tur ''Fənərbaxça'' üzərində qazanılan qələbənin əsasını qoyan 29 yaşlı futbolçu dünən 12-ci tur çərçivəsində ''Konyaspor''a qarşı ev oyununda isə əsil qəhrəmana çevrildi. Onun dublu sayəsində ''Trabzonspor'' 2:1 hesabı ilə qalib gəldi. Bununla da Onuaçu qaradənizlilərin heyətində 8-ci superliqa matçında vurduğu qolların sayını 6-ya yüksəltdi. Bu göstərici ilə o, ''bordo-mavililər''in son illərdəki ən önəmli forvardları Aleksander Sörlot ilə Andreas Korneliusu geridə qoydu. Sörlot 2019/20-də ilk 8 oyuna 5, Korbelius isə 2021/22-də ilk 8 oyuna 3 qol vurmuşdu. Daha bir maraqlı fakt odu ki, Onuaçu indidən ötən mövsüm komandanın əsas qol silahı sayılan Maksi Qomesin göstəricisini geridə qoyub. Hazırda ''Kadis''in şərəfini qoruyan uruqvaylı forvard ötən mövsüm superliqada forma geydiyi 26 qarşılaşmada cəmi 5 qol vurmuşdu.

ƏLİ