"Futbolun kütləviliyini artırmaq üçün neçə illərdi Muxtar Respublikada Region Liqası ilə aşağı yaş qruplarının turnirlərini keçiririk.

Sevindici haldı ki, ötən il "Araz Naxçıvan" Region Liqasının, cari mövsümdə isə 1-ci divizionun çempionu olmaqla elitaya yüksəldi. Onların bu uğurlarıyla yanaşı, "Arpaçay"ın da mükafatçılar sırasında yer olması bizim üçün uğurdu və xoş haldı.

Digər bölgələrlə müqayisədə Muxtar Respublikada həm klubların sayı azdı, həm də çempionatın səviyyəsi aşağıdı. Buna rəğmən, Şərur təmsilçisi çalışqan, döyüşkən komanda formalaşdıra bildi. Onlar Bakıya yollanarkən çox istəkliydi. "Arpaçay"ın "Qusar"la görüşünü izləyə bilməsəm də, məlumatlıyam, pis çıxış etməmişdilər.

Sadəcə, təcrübəsizlik özünü göstərmişdi. Amma "Marxal" ilə oyunda şərurlular mübariz oyunla qalib gəlib 3-cü yerə layiq olduqlarını göstərdilər. Məqsədimiz bundan sonra da Naxçıvanda futbolu inkişaf etdirməkdi".