“Belə sualları cavablayarkən oyunçunun hansı hissləri keçirdiyini, həyat tərzini, daha sonra klubda xoşbəxt olub-olmadığını bilmək lazımdı. Bu amillər önəm daşıyır. İkinci tərəfdən maddiyyat da önəmlidi. Bir klub böyük məbləğ təklif edirsə, oyunçular istər-istəməz gələcəyini düşünmək məcburiyyətində qalır”.
Bu sözləri “Football-plus.az”a açıqlamasında Aslan Kərimov dedi. Mütəxəxssis Ramil Şeydayev Tayland klubu “Buriram Yunayted”ə keçidini şərh etdi:
“Məsələni texniki tərəfdən dəyərləndirsək, təbii ki, “Qarabağ”dan ayrılıb Tayland çempionatına yollanması performansının aşağı düşməsinə səbəb olacaq. Ən azı Ağdam təmsilçisində keçirdiyi oyunların səviyyəsi adı çəkilən ölkənin çempionatındakı matçlardan daha yüksəkdi. Bunu qətiyyətlə demək mümkündü. Performans baxımından Ramilin seçimi düzgün olmaya bilər. Lakin bunun amması da var. “Qarabağ”ın ona hansı təklifi etdiyindən xəbərimiz yoxdu. Bəlkə də yeni təklif Ramili qane etməyib. Ola bilər ki, özünü dəyərsiz saydığı üçün başqa yerə keçməyə qərar verib. Bütün detalları bilmirik. Bu səbəbdən də onu qınamamalıyıq. Yenə deyirəm, texniki baxımdan Ramil səhv etdi. “Qarabağ”ı tərk edirsə, daha yaxşı kluba keçməliydi. Bu, onun gələcəyi və növbəti addımları üçün vacib idi. Amma maddi baxımdan gələcəyini düşünübsə, bu addım da onun üçün yaxşıdı”.
İLKİN SULTANLI