İngiltərə Futbol Assosiasiyası (İFA) “Mançester Siti”nin azarkeşləri ilə bağlı təhqiqata başlayıb.

"Football-plus.az" xəbər verir ki, buna premyer-liqasının 37-ci turunun “Çelsi” ilə matçından (1:0) sonra yüzlərlə fanatın meydana axışması səbəb olub.

Bu barədə Böyük Britaniya mətbuatı məlumat yayıb. Fanatlar oyun başa çatandan dərhal sonra komandalarının çempionluğunu qeyd etmək üçün meydana eniblər. Polislər və digər təhlükəsizlik işçiləri onların qarşısını kəsə bilməyiblər.

Bu azarkeşlərə görə MS-nin, sadəcə, cərimələnəcəyi gözlənilsə də, İFA məsələ ilə bağlı daha böyük araşdırma aparmağı zəruri hesab edib.