"Uzun illərdi ölkə çempionatında iştirak edə bilmək üçün çalışırıq. Bu dəfə bütün sənədlər yerindədi, hazırlıq davam edir. Çatışmazlıq maliyyə ilə bağlıdı. Dəfələrlə şirkətlər və iş adamları ilə görüşlər baş tutsa da, razılıq alınmayıb. Kömək edə biləcəyini deyən kimsə yoxdu. Aşağı yaş qruplarında da bu məsələ üzündən əziyyət çəkirik. Düzdü, məşqlər davam edir. Amma məşqçilərin maaşının verilməsində çətinliklər var. Hər şey premyer-liqada iştirak edib-etməməyimizdən asılıdı. AFFA İcraiyyə Komitəsinin razılığı olsa, inanıram ki, maliyyə problemlərini asanlıqla həll edəcəyik. Çünki sponsor ola biləcək şirkətlər və iş adamları danışıqlarda daha maraqlı olacaq. Səbirsizliklə AFFA-nın qərarını gözləyirik. Cavab müsbət olsa, digər rayonlarda və Bakıda olan dostlarımızdan da kömək istəyəcəyik. Hələ ki gözləmə mövqeyindəyik".