"Müsbət cavab ala bilməyən birinci dizivion klubları premyer-liqada iştirak üçün lazım olan sənədləri tam təqdim etməmişdi. Bəzi çatışmazlıqlara görə lisenziya almaq üçün hüquqlarının olub-olmadığını dəqiqləşdirə bilmədik. Tələb olunan sənədlər təqdim edilmədiyindən klubların durumunu şəffaf təhlil etmək mümkün olmadı. "Araz Naxçıvan"la "Zaqatala" isə minimum tələbləri qarşıladıqlarına görə bunu bacardılar. Premyer-liqa klublarına gəlincə, məxfilik razılaşmasına görə çatışmazlıqlarla bağlı danışa bilmərəm. Biz yekun qərarlar və səbəbləri haqda klub nümayəndələrini dəvət edib məlumat vermişik. Həmin klubların çatışmazlıqlar haqda məlumatları mətbuata açıqlayıb-açıqlamaması öz seçimləridi. Ümumilikdə bütün tələblər yerinə yetirilərsə, istənilən kluba lisenziya verə bilərik. Bizim üçün sayın fərqi yoxdu. Klubların bundan sonrakı taleyini AFFA İcraiyyə Komitəsinin qərarları müəyyən edəcək. Dəyişiklik olmasa, premyer-liqanın cari əsasnaməsinə görə, ölkə çempionatının sonuncusu elitadan aşağı dəstəyə düşəcək və birinci divizionun lideri "Araz Naxçıvan" premyer-liqada mübarizə aparacaq".