"Ölkəyə əsasən müğənni, şou-biznesdə məşhur insanlar dəvət olunur. Həyatda böyük izlər qoyanların həyat və uğur hekayələrindan agah olmaq üçün isə seminarlar keçirilmir. Azərbaycanda "Qalatasaray"ın və Fatih Terimin minlərlə fanatı var. Sadə ailədən çıxan və Türkiyənin məşhur simasına çevrilən bir şəxsin uğurlarını canlı dinləmək üçün dahi məşqçiylə danışıqlara başladıq.

Təxminən 2 ay davam edən müzakirələrdən sonra görüşün iyunun 17-da təşkili ilə bağlı razılığa gəldik. Seminarın başlama saatını 19.05-ə təyin etməyimiz də boşuna deyil. 1905-ci ildə "Qalatasaray" yaradılıb. Görüş Bakı Konqres Mərkəzində baş tutacaq. "Fatih Terim: Kaybetmek kolay, kazanmak olay" adlı seminarda mütəxəssisinin həyatda və yaşıl meydanda necə uğur qazanmasıyla bağlı çıxışı olacaq. Bu, Türkiyə futbolunun canlı əfsanəsinin Azərbaycanda ilk seminarı olacaq.

Düşünürəm ki, "Qalatasaray" fanatları, Fatih Terim sevdalıları üçün gözəl, uğurlu və həyatlarında yeniliklə zəngin gün olacaq. Biletlərin qiyməti 35 manatdan başlayır. Düşünürəm ki, ümumi xərcləri nəzərə alsaq, çox aşağı qiymətdi. Mayın 1-dən “iticket.az”da və şəhərin bütün kassalarında satışdadı. Bütün "Qalatasaray" və Fatih Terim fanatlarını görüşə dəvət edirik".