Fatih Terim təxminən 10 aydı işsizdi. Buna baxmayaraq Türkiyə futbolu tarixinin ən titullu məşqçisi tez-tez gündəmə gəlir.

Football-plus.az xəbər verir ki, bir müddət öncə ''Netfliks'' Terim barədə 4 hissəli sənədli film çəkmişdi. İndi də ''tvitter'' ''İmperator''la bağlı maraqlı addım atıb. Dünyanın ən böyük sosial şəbəkələrdən birində Fatih Terimin adının yanına GOAT emojisi əlavə olunub. Bu isə (Greatest of All Time) butün zamanların ən yaxşısı kimi tərcümə olunur.

Yəni ''tvitter''də Terimi axtarışa versə, onun yanında GOAT da peyda olacaq. Bu xəbər ''Qalatasaray''lıların böyük marağına səbəb olub və bununla bağlı bir çox paylaşımlar edilib. Qeyd edək ki, dekabrın 21-də Monte-Karloda keçiriləcək tədbirdə 69 yaşlı məşqçinin futbol dünyasında xüsusi çəkiyə malik olan ''Golden Foot'' mükafatına da layiq görüləcəyi də gözlənilir.